NSAMBU MISA

Mambu ma Misa masonama ku Roma, muna buka

"Constitutio Apostolica-Missale Romanum"
mabalukuizi ku mbembo ilu mu nsua Papa - 3.4.69

"Com conhecimento e aprovação da Santa Se"

ARQUIDIOCESE DE CABINDA

CENSORES

P. M. Franklin da Costa

P. G.  Nionje - Seda
 

Imprimatur
Ecclesia Catholica Apostólica Philadelphia
(National Church of Cabinda )

ÍNDICE

Prefacio
Nsambu ionso ko nthangu
Nsambu Misa
Tuimbu tu Nzambi
Observações
Vocabulário
 

PREFÁCIO

Está a sair, em língua vernácula de Cabinda, o texto litúrgico intitulado «NSAMBU MISA».

Oportunidade para as pessoas que entendem a língua, em questão. A obra responde às exigências mais íntimas duma oração profundamente filial.

É, aliás, o pensamento e o sentir da Santa Mãe Igreja, "a qual em todas as línguas fala e todas as línguas entende, e abraça na sua caridade" (Vat. 11, AG. no 4).

O nosso sincero obrigado no Senhor Jesus para todos os que, com sua boa vontade e trabalho, contribuíram e virão a contribuir para a participação mais eficaz na Liturgia, afim de que " os fiéis a celebrem com rectidão de espírito, unam a sua mente às palavra, que pronunciam, cooperem com a graça de DEUS, não aconteça que a recebam em vão"
(Vat: II, SC. no. 11).

Cabinda, 18/12/1970

P. Próspero Puaty
 
 

NSAMBU IONSO KO NTHANGU

Ilimbu tshi Santu kulusu :

Mun'izina li Tata i li Muana I li Muela Santu. Amen.

Tat' itu:

Tata'itu Nje ke ku ilu
lizina liaku litshinzukua;
lutumu luaku luiza;
mana zoleze mavangana va nsi
buna mivanginina ku Ilu.
Tuvan ' ilumbu - atshi,
bilia bitu bi kad ' ilumbu;
tubotula masumn mitu buna tumabot' lela
ke bana batubunduili;
bakana kutubika ko ubua mu lisumu;
kasa utukakula muna mbi. Amen.

Miuu likunda:

Minu likunda, nje Maria, uel'i grasa;
Nzambi ke iaku
nje viokeze batshiento bonso mun'uvuma,
i Zezu, Muana ivumu tshaku livuma
Santa Maria  mama Zezu,
tusambila Nzambi, befu baka masumu,
abubu i muna nthangu lufua luítu. Amen

Litela mana:

Litela mana, muna Nzambi tata, mvanji biabon -
so; mvanji Liilu i nsi
i muna Zezu-Kristu, Muan'Andi umueka to,

Fumu itu; ukumua ke Muela Santu,
ubútua ke Virje Maria;
kumona zimpasi muna lutumu lu Ponsi Pilatu;
kubandua va niongo santu kulusu;
kufua i kuzikua; kukuluka kuna kuba
bafua; ilumbu tshintatu kuvulubuka;
kumaka ku Ilu; kukala ku nkonzo lubakala
lu Nzambi Tata, mvanji biabionso,
kuna kala kwiza tabi nkanu u bana balazinga
i u bala fua

Litela mana muna Muela Santu,
Santa Igreja Katolika, lubundunu lu
Zisantu, lubotulu lu masumu, luvulubuku lu
nyitu, luzingu lu kok' i koko. Amen.

Nsambu mana:
Nzambi ami, minu litela bene mana
muna bielika biabionso
bina Santa igreja Katolika i Apostolika
ukhu nthuma utela mana,
ibila Nje, veka, muku tshielika
ukhamba biau. Amen.

Nsambu Lufiatu

Nzambi ami, minu liku fiata gras' Aku
va nsi-ai,
muna mambu mavanga Zezu-Kristu,
i liku fiata ti Njeie uala kumpana Lilu,
monti kani lilunda tutumu Tuaku,
ibila Nje veka utuba buau
i livana, ionso ko nkhumbu,
ma' nukambizi. Amen.
 
 

Nsambu luzolo:

Nzambi ami, minu nzoleze bene Njeie,
vana mongo usangala biabionso,
ibila Nje umbote bene
i Nje fuanangene uzolua bene-bene
i lizola muntu iami
Buna izolele minu veka
mun'ibila Nshiaku. Amen.

Nsambu lulendu lu masumu:

Nzambi ami, mpasi bene-bene limona,
ibila ibunduili, Nje umbote bene-bene,
ibila masumu meku bundula.
Mbotula masumu mami,
mu zimpasi zi Zezu-Kristu unthinya;
ieki lia mpandi tshiasa be sumuka ko,
i ikwuiza vanji penitensia. Amen.

Nsambu Anzi Nzambi:

Anzi     Nzambi usukula ke Maria!

- I Maria kukuimatina ke Muela Santu.
Minu likunda...

- Minu-kuau ileze tshi Nzambi:

- menda vangana ke minu mana utubizi.
Minu likunda...

- I Muana Nzambi uivanga muntu;

- i andi uba itu.
Minu  likunda...
 

V. Tusambila Nzambi, nje Santa Maria
Mama Mzambi.

R.    Buinji tubaka bu tambulila mana
matukamba Zezu-Kristu.

Tusamba: Fumu itu Nzambi, dukula
zigrasa Ziaku mu ilunzi bitu, buinji abu
tumezabila muna munu Anzi Inkarnasau
i Zezu-Kristu, Mua'Aku, buinji tubaka
luzingu lu kok'i koko ibila muzimpasi
Ziandi i kulusu Liandi. Tukusambila
mu Zezu-Kristu, Fumu itu. Amem.

Nsambu Ntinu Liilu:

Maria, Ntinu Liilu, zanga kuaku, aleluia.
Ibila on'unáta mu vumu tshiaku, »
Mevulubuka buna kutuba, aleluia.
Tusambila Nzambi, aleluia.
Zanga i zanga kuaku, Virje Maria
Aleluia.
Ibila, butshielika, mavulubuka, Fumu itu
Zezu-Kristu, aleluia.

Tusamba:

Fumu itu Nzambi, Nje uzola nsi izanga,
mu luvulubuku lu Furnu itu Zezu-Kristu:
befu tukusamba; Vanga mose mu mioko
Santa Maria, Mam' Andi, tubaka zinyenze zi
luzingu lu kok'i koko. Tukusambila mu
Zezu-Kristu, Fumu itu Amen.

Nsambu nkembu:

Nkembu ke Tata i Muana i Muela-Santu.
Buna bubela va nthete, abubu i muna
nthangu zionso. Amen.
 

NSAMBU MISA

I - NTHONONO

I - Ilimbu tshi Santu Kulusu
Nganga Nzambi (-Ng.) - Mun'izina li Tata
i li Muana i li Muela-Santu.

Babonso (- Bb.) - Amen!

2 NTHANGU BILAZIANA

Ng. Batata i bamama (Baiaia),
 benu ibila mu luzolo lu Tata Nzambi.

Bb Ngete, matondo ke Tata Nzambi

3- LUFUNGULU

Ng. Batata i bamania (Baiaia),
 tulendanu masumu mitu
 buinji Nzambi katambula nsambu itu

(Teka lingama)

Ng. Tufunguluanu masumu mitu:

Ng. i Bb - Minu ifungulua
 ke Nzambi, mvanji biabionso,
 i ke benu bonso
 ibila imesumukua mpampa nkhumbu,
 muna mambu mana mbalizi, nthubizi,
 mpangizi i mangizi vanga,
 mun'ibila tshiami,
 mun'ibila tshiami, minu veka kuami.
 Bua ilindila ke Santa Maria
 ukalilila Virje,
 ke Zianzi i Zisantu zionso
 lunsambila ke Fumu itu Nzambi
 

Ng. Fumu Nzambi katubaka tshiali, katubotula masumu mitu i katunata ku Ilu.
Bb.  Amen.

4- KYRIE

Ng. Fumu Nzambi, tubaka thsiali.
Bb. Fumu Nzambi, tubaka tshiali.
Ng Zezu-Kristu, tubaka tshiali.
Bb. Zezu-Kristu, tubaka tshiali.
Ng. Fumu Nzambi, tubaka tshiali.
Bb. Fumu Nzambi, tubaka tshiali.

5- GLORIA

Ng. i Bb.

Nkembu ke Nzambi ku Ilu,
i va nsi, malembe ke bantu bonso.
Nzambi Tata, Nje Fumu Ilu.
Nje mvanji biabionso:
befu tukukunda, tukusamba,
tukubuongemena, tukutshinzika,
Tukutonda,
mun'ibila tshi Nkembu Aku
uviokeze biabionso.
Fumu Zezu-Kristu, Nje veka to
ubútua ke Nzambi Tata,
Fumu, Nje Muana Tata:
Nje utukákula mu ivika tshi masumu,
tubaka tshiali;
Nje utukakula mu ivika tshi masumu,
tambula nsambu itu.
Nje sungemeze va tshimueka
ai Nzambi Tata, tubaka tshiali.
Nje toka Nkua Búsantu,
Nje toka Fumu,
Nje viokeze kunzama, Zezu-Kristu,
ai Muela-Santu,
mu nkembu Nzambi Amen!
 

6- NSAMBU BABONSO

Ng. Tusambanu (leka lingama)
 Mun'izina li Fumu itu Zezu -Kristu,
 Muan'Aku,
 mu lubundunu lu Muela-Santu.

Bb Amen.
 II - NTHANGU MALONJI

7- MASONAMA

Ng. Nkanda (S.Paulu..) ke (Basi...)
 Vana man' utanga):
 Malonji ma Nzambi,
 buna basónekena ke ( S. Paulu ...)

Ng. Ngete, twitshtshitshina kumazingila!

8- NTHANGU IVANJELI

Ng. Fumu Nzambi, kakala inu

B b.    Nandi kakala iaku buna.

Ng. Ivanjeli tshi Zezu-Kristu
 buna basónika ke (S, Mateuzu...)

Nb. Nkembu ke Fumu itu Nzambi
 (Vana man'utanga):

Ng. Mambu ma luzingu lu Zezu-Kristu!

Bb. Ngete twitshitshina kumazingila
 

9 - CREDO

Ng.  i Bb.

Litela mana
muna Nzambi, imueka to,
muna Nzambi Tata, mvanji biabionso
Na mvanji Liilu ai nsi:
i biabionso bina timona
i bina timang'umona.
Litela mana
muna Fumu itu Zezu-Kristu,
Muana umueka ubútua ke Nzambi Tata,
buna ti nthangu ibeli ko:
Nzambi ubútua ke Nzambi,
dede i mbazu itatama ke mbazu iandi
Nzambi tshielika
ubútua ke Nzambi tshielika;
butua, ka kuvangua ko;
mu buzambi, dede imueka ai Tata.
Biabionso mu Nandi bivangulua.
MU, ibila tshitu, uíza va nsi,
buinji katukula;

(Vau-ava ieku dukama)

mu Muela-Santu,
kubonga bunyitu buitu,
mu ivumu tshi Virje Maria,
i uk' izi ivanji muntu.
Mu ibila tshitu,
buna ti Ponsi Pilatu wituma,
kubandua va kulusu;
kumona zimpasi, kufua ai kuzikua.
Mu ilumbu tshintatu,
k'izi vulubuka, bana. masónemena
kumaka ku Ilu;
kubiala Fumu Ilu ai nsi.
Nandi uala be kuiza
mu bufumu Buandi,
bunji kiza tabi nkanu sialila
u bantu babote ai u bantu babi;
Tshifumu Tshiandi
tshiasa be mana  ko.
Litela mana
muna Mtiela-Sàntu,
Fumu ukutuzingisa,
ufumina ke Tata ai Muana;
Nandi tufuene buongemena,
Nandi tufuene, tshinzika
ibila Nandi ke Nzambi tshielika
dede imueka ai Tata ai Muana.
Nandi, utubila mu munu Ziprofeta.

Litela mana
muna Kanda li Nzambi,
likunsilivila, li bantu bonso:
Kanda batubíkila ke Ziapostolu,
Ileva mpese
zingila mu batismu imueka
itubotuia masumu

Itelemena luvulubuku lu bafua
ai luzingu lu ntuala,
luala kalilila.

Amen.

10 - Nsambu i Befu Bonso

Ng. (Ieku tuba Nsambu)...

Bb. Tata Nzambi, tambula nsambu itu.

Ng. (Vana nsambu sinunu ieku mánina):
 Mun'izina li Fumu itu Zézu - Kristu,
 Muan'Aku,
 mu lubundunu lu Muela-Santu.

Bb. Amen!

III - MAMBU MA EUKARISTIA

11 - Vana Kabila Mafundu

Ng. Befu titonda, Fumu itu Nzambi,
Ibila Nje utuvene limpa-ali,
tikabila, buinji liau
litshituka nyitu Zezu-Kristu
ilikila ulunzi bitu.

Bb. Befu titonda, Fumu itu Nzambi,
abubu i muna nthangu zionso.

Ng. ( Vana sekula vinya i ntangu mu kalise )
Per huius aquae et vini mystérium
eius efficiátmur divinitátis consórtes,
qui humanitátis nostrae
Fieri dignatus est párticeps.

Ng. Befu, titonda, Fumu itu Nzambi,
 ibila Nje utuvene vinya- ai,
 tikabila, buinji iau
 itshituka menga ma Zezu - Kristu
 mizingisa ulunzi bitu.

Bb. Befu titonda, Fumu itu Nzambi,
 abubu i muna nthangu zionso.

( Ng. Dicit in secreto )

 in spiritu humilitátis
 et in animo contrito
 suscipiámur a te, Dómine;
 et sic fiat sacrificium nostrum
 in conspéctu too hodie,
  ut pláceat tibi, Dómine Deus,
 (Vana sukula mioko )
 Lava me, Dómine, ab iniquitáte mea
 et a peccáto, meo monda me.
 

12 - Nsambu Kabila Mafundu
Ng.  Batata i bamama (Baiaia),
 tusambanu buinji Nzambi
 katambula mafundu mitu.'
Bb  Na Tata Nzambi kamatambula
 muna tshinzika lizina Liandi,
 mu mbote itu befu bonso tukele - ava
 i mu mbote zinkhomba zitu zionso
 mu Kanda li Nzambi

  NSAMBU EUKARISTIA

13 - Vana Tambiziana Prefasi
Ng.  Fumu Nzambi kakala inu
Bb.  Nandi kakala iaku buna!
Ng.  Ntim'itu ke Nzambi
Bb.  lau ieka landi!
Ng.  Matondo ke Fumu itu Nzambi.
Bb.  Tumvana mau
 ibila Nandi to tufuene buongemena!
 

Nsambu Eukaristia: ( Prex II )

Ng. Nzambi Tata, butshielika,
 befu muna baka nzila ikutukakula,
 tufuene kuvananga matondo,
 mu Zezu-Kristu, Muan'Aku,
 ionso ko nthangu i vonso ko vama
 Nandi Na Liambu Liaku,
 uvangila biabionso: Na utuveka
 buinji katukakula mu zimpasi;
 mu Muela-Santu kubútua
 mu ivumu tshi Virje Maria.
 Mun'ulunda lutumu Luaku
 i buinji kubakila
 Likanda likusilivila,
 uiala micko vana mongo kulusu
 lina bambanda :
 buabobo kutumonisina ti lufua
 nzila luvulubuku.
 Mu ibil' otshio
 befu i Zianzi i Zisantu zionso
 tikuamikina nkembu Aku...
 mu mbembo imueka: SANTU...

14 - SA NTU
Ng. i Bb. - Santu, Santu, Santu
 Fumu Nzambi, mvanji biabionso,
 Liilu ai nsi bikuanjiIika.
 NKEMBU KU ILU!
 Nyenz'iandi ono wikuizila
mu zina li Nzambi.

NKEMBU KU ILU;

Ng. Nzambi Tata, butshielika,
 Nje onso Usantu;
 busantu bonso ke Nje buifumina!
 Befu teku linda
 tusemina mafundu - ama, mu Muel'Aku,
 buinji matshituka nyitu
 i menga ma Zezu-Kristu.
 Nandi. mun'ilumbu kavitika
 mona. zimpasi,
 kabonga limpa,
 kavana matondo, kabukuna, liau,
 kavana Uleze Biandi kiza bakamba:
Tambulanu lulianu benu bonso

TSHIAU - ATSHI  NYITU AMI
IKWIZA VAKULUA MU IBILA TSHINU
Dede imueka buna, baman' ulia,
kabonga kalise vinya,
ka be vana matondo,
kavana Uleze Biandi, kiza bakamba:

TAMBULANU LUNU ANU BENU BONSO
IAU-AI KALISE MENGA MAMI,
MENGA MA BUNDIKU BUMONA,
BUALA KALILILA;
MENGA MIKWIZA VAKULUA
MU IBILA TSHINU
I  TSHI BANTU BONSO,
MU LUKUKU LU IVIKA TSHI MASUMU

MAU - AMA, MA LUVANGANGA IVINU
BUINJI  LUNTHEBUKILANGA  MONYO.
 

15 - KONSAGRASAN IAMANA.

Ng. Iaku-ai Misteriu tela mana!

Bb. Befu tuzabizi ti Njeie ufua,
ti Njeie uvúlubuka
A! Zezu, Fumu itu, wiza!

Ng.   Nzambi Tata,
abu teki be tebwikila monyo
lufua ai Iuvulubuku lu, Mun'Aku,
befu teku kabila limpa-ali
Likutuzingisa
i vinya-ai ikutukaklula mu zimpasi
muna kuvana matondo
ibila nyenze timona abu utusoleze
buinji tusilivila va ndunzi Aku.

Tata, abu tumebundana mu nyitu
ai menga ma Zezu-Kristu,
teku linda, tubunda ivandi befu bonso
mu ntima umueka,
mu luzolo lu Muela-Santu.

Tata, keba ivandi Kanda Liaku
liedukanga va ntoto onso buinji liau,
kutshimueka ai Papa N. Bispu itu N
ai Zinganga zi Nzambi zionso,
limonisa luzolo Luaku ke bantu bonso

(Mose Misa bafua):

Fumu Nzambi. tebwikila monyo
(Tata, Mama, Ileze... N.) ubika (ubikizi)
luzingu-alu, mu nsu'Aku.
Buna kamuena zimpasi zi lufua,
dede Muan' Aku, bua umvana ivandi
nkembu luvulubuku.

Tebwikila ivandi monyo zinkhomba zitu
zitelemene luvulubuku
ai babonso bana bafuila
mu grasa Ziaku:
ubatambula va ndunzi Aku.
Tubaka, tshiali, befu bonso,
Tata Nzambi,
buinji tubaka buzingila
va tshimueka, ku ilu, ai Virjo Maria
Mama Nzambi ai, Ziapostolu
i babonso bana bazingila
mu luzolo Luaku, buinji tuianjiIika
mu Zezu Kristu Muan' Aku.
 

16 - VANA MANINA KANONE

NG:
Mu Zezu-Kristu,
nkembu onso, ke Njeie Nzambi Tata
mvanji biabionso,
ai ke Muela-Santu,
abubu, i muna nthangu zionso.

Bb:

Amen!

17 - PATER NOSTER

Ng. Mu lufiatu, tusambanu
buna Fumu itu Zezu - Kristu
katulóngila:

Ng. i Bb.
Tat'itu Nje, ke ku Ilu,
lizina Liaku litshinzukua;
lutumu Luaku lwiza;
mana zoleze mavangana va nsi
buna mivanginina ku Ilu
Tuvan'ilumbu-atshi,
bilia bitu bi kad'ilumbu;
tubotula masumu mitu
buna tumabotulela
ke bana batubunduili;
bakana kutubika ko ubua mu lis u
kaza utukakula muna mbi

Ng. Nzambi Fumu itu,
 tukakula mu mpasi zitu zionso,
 tuvana nsika mu lumbu-abi,
 i tumonisa tshiali Tshiaku
buinji tuzingila mu ufu bibote;
abu : titelemena Muan'Aku, Zezu-Kristu,
uala be vutuka, mu Bufumu Buandi bonso.

Bb. ke Nandi Tshifumu,
 ke Nandi Lutumu
 ike Nandi Nkembu
 muna nthangu zionso!

18 - NSAMBU NSIKA

Ng. Fumu Zezu-Kristu
 Nje ukámba Ziapostolu:
 tambulanu nsika ikulubikila:
 bik'utala masumu mitu kaza,
 tala toka mana ma Kanda Liaku;
 tuvana nsika ai lubundunu
 buna zoleze,
 Nje wizinga ai wituma
 muna nthangu zionso.

Bb. Amen!

Ng. Nsika Nzambi, ukalilila inu.
Bb. Utusakumuna nthangu zionso.
Ng. Bilaziananu mu luzolo lu Nzambi.

(Babonso ieKu bilaziana)

19 - VANA BUKUNA LIMPA

Ng.
 Heec comixtio Córporis et Sanguinis
 Domini nostri lezu Christi
 fiat accipiéntibus nóbis
 in vitam aeternam.

(Vana nganga Nzambi Kibukuna limpa babonso ieku tuba)

Muana Nzambi, wibotula masumu mitu,
tubaka tshiali
Muana Nzambi, wibotula masumu mitu,
tubaka tshiali
Muana Nzambi, wibotula masumu mitu,
tuvana nsika.
 

20 - KOMUNYAN

Ng.
Percéptio Córporis, et Sánguinis tui,
Dómine lezu Christe,
Non mihi provéniat in iudicium
et condamnatiónem
sed pro tua pietate prosit mihi
ad tutamentum mentis et corporis,
et ad medelam percipiéndam.

NAKU-AU MUANA NZAMBI,
NAKU-AU WIBOTULA MASUMU MITU.
Nyenz'iau
bana bikuiza tambula nyitu Kristu.

Ng. i Bb - Fumu Nzambi,
ntim'ami safuana ko kutambula,
kaza vumuka kuandi
filiambu limueka
i minu onso iala kakukua mu mpasi.

(Nhkumbu imueka to)

Ng. Corpus Christi custódiat me
 in vitam aeternam.
 Sanguis Christi custódiat me
 in vitam aeternam.

Ng. NAKU-AU KRISTU!,
(Ono wikomunya): AMEM!

21 - KOMUNYAN IAMANA
Ng. Tusamba ( Teka lingama)...
Mun'izina li Fumu itu
Zezu Kristu, Muan'Aku,
mu lubundunu lu Muela-Santu.
Bb.  Amen!

22 - VANA KANIZIANA
Ng. Fumu Nzambi kakala inu,
Bb. Nandi kakala iaku buna.
Ng. Minu ikulusema
 mun'izina li Tata
 i li Muana
 i li Muela-Santu
Bb. Amen!

Ng. Abu tueki tiamuka
 tuzingilanu mu mambu tumekua.
Bb. Ngete, tata!
 

TUIMBU TU NZAMBI

Muna Nthangu Misa:

A - NTHONONO

I - Fumu Zezu:
Luzingu luitu,
Mangolo mitu,
Nthangu zionso.

2 - Fumu Zezu,
Tulubulanga
Mu malonji Maku,
Nthangu zionso

Tubelamanu, tubelamanu
Tubelamanu, mu nzo Nzambi
Ibila nyenze uombo
Zinga ai Nzambi.
 

I - Mu luzingu-alu

Ono zimbele Nza mb
Kala liata ko
Muna nzila mbote.

2 - Ava ntoto-au
Ono Zimbele Nzambi
Bunsi kala bakila
Nzila inata ku Ilu?
 

3 - Ono zimbele Nzambi
Fuene kuntshienganga
Buinji kazaba
kunthinzikanga.

4 - Vana uala zaba
Zola Nzambi
Tela bali iaku
leku basunjikila ivandi.

Tshienganu Nzambi
Zabanu Nzambi
Zolanu Nzambi
Vana mongo biabionso

B - NTHANGU MAFUNDU

1 - Nthete ilunzi ai ntima
 Tivakula
 Mu mioko Zezu, Muan' Aku,

2 - Befu veka, mu ntima,
Tivakula
Mu mioko Zezu, Muan' Aku.

3 - Nyenze ai mpasi zitu
Tivakula
Mu mioko Zezu Mun' Aku.

Mafundu mitu
Tivakula - (bis)
Va ndunzi Nzambi Tata
Mu luzolo lu Zezu.

1 - Limpa i vinya tivakula Ke Nzambi Tata; a Tata, Vitika tambula mafundu mitu

2 - Befu veka tivakulua Ke Nzambi Tata; a Tata,
Vitika tambula mafundu mitu.

3 - Mangolo mitu tivakula
 Ke Nzambi Tata; a Tata,
 Vitika tambula mafundu mitu

4 - Zimpasi zitu tivakula
 Ke Nzambi Tata; a Tata,
Vitika tambula mafundu mitu.

Ai ntima ai ilunzi
Ke Nje tivakula
Mu mioko, Zezu Muan' Aku

C - NTHANGU KOMUNYAN

1 - Teku tonda, teku kunda
 Nyitu Kristu
Ilikila monyo i lunzi
tshi bana ba Nzambi

2 - Mu lutshinzu, batambulanu
 Nyitu Kristu
 Nandi uvitika kala itu
 Muna Santu Eukaristia

Fumu Zezu, a wiza, wiza kota (bis)
Muna ntim' itu.
A liata kwiza, muana Maria;
Ai zigrasa
A liata kwiza, muana Maria
Ai luzolu
A liata kwiza, muana Maria
Ai nsika
A liata kwiza muana Maria (bis)
 

1 - Fumu Zezu, wiza, wiza!
Wiza ka Nje tisunga!
Ulunzi bitu Nje bitomba
Ibila Nje bilia bitu.

2 - Zezu, Nje batuveka
ke Nzambi Tata
 Buinji utukula
 Mu nzingu diabu.

Zezu, wiza, wiza!
Wiza ka Nje tisunga!
Fumu Zezu wiza, wiza
Wiza mu ntim'itu (bis)

D - NTHANGU = BASIKA

Batata
Tuzingilanu mu mambu tumekua
Bamama
Tuzingilanu mu mambu tumuekua
Baiaia       »     »     »     »
 Malonji ma Nzambi
 Mikuenda itu (bis)
Batata i bamama, tuzingilanu
Mu malonji ma Nzambi. (bis)
 

Luimbu lu Paskua:

1 - Fumu Zezu: mavulubuka
 Aleluia, aleluia, tuimbilano
 Aleluia, aleluia, tuimbilano, aleluia

2 - Mamaria, a zanga kuaku,
 Aleluia, aleluia ... .

3 - kuna Ilu nyenz'i nyenze,
Aleluia aleluia...

4 - Baiaia, nsangu nnenne.
Aleluia, aleluia..

5 - Sema, Fumu, likanda Liaku,
Aleluia aleluia...

6 - Matondo ke Nzambi Tata
..... ........ ....... ....... ....
7 - Ai ke Muana ai Muele Santu.

Aleluia aleluia
Aleluia, aleluia, aleluia

Luibu lu Mama KRISTO

 1 - A Mamaria,       4 -  A Mamaria,
Mama Kristo.         Befu bana baku.
 2 - A Mamaria,       5 - A Mamaria,
 Uel ' i grasa.           keba buala buitu.
 3 - A Mamaria,       6 - A. Mamaria
 Nkebi  Zikristan      keba bana bitu
Tusambilanga,       tnsanbilanga (bis)
 

OBSERVAÇÕES

1 - Na escrita sintética, notar a união dos prefixos aos respectivos substantivos, adjectivos e pronomes
ex: luzolo, usantu e babonso.

No caso dos verbos, com respeito aos prefixos pronominais, idem, excepto o pronome sujeito;
ex: befu tukukunda, befu teku be kukunda.

2 - As consoantes (g, j, s e os . conjuntos ny e tsh. equivalem sempre a: que, dj, ç, nh ch inglês respectivamente
ex: Sungemeze, mangizi; malonji, nje;
(mas j simples, em Virje); misa nyitu,
nyenze; vinya; tshiali, tshielika.

3 - Uso exclusivo das semi-vogais (w e y) para os ditongos puros: (ui, e iu)
ex.: wiza = vem em vez de uíza = veio;
byuma biyuma = coisas secas em vez de biuma biiuma.

4 - Uso do acento indicativo para algumas formas do perfeito (parónimas) para as distinguir das do presente; ex.: usónama = foi inscrito; usonama = ser inscrito.
 

VOCABULÁRIO

Fumu Nzambi ou Tata Nzambi = Senhor Deus
Nzambi Fumu ou Nzambi Tata = Deus Pai.
Muela Santu = Espirito Santo.
Liambu li Nzambi = Verbo de Deus, preferido ao termo Mbembo (= voz-eco).
Ziprofeta = Profetas, termo preferido ao Balubuli, pouco corrente: (de lubula).
Uleze Biandi  = Discípulos, em oposição aos 12 Apóstolos.
Kanda li Nzambi = Povo, de Deus, igreja.
Baiaia = irmãos - Fraternidade, mais universalista que o termo nkhomba = irmão - consanguíneo.
Masonama = Escritura.
Nkembu = Glória, preferido ao termo Maianji = alegria superficial, euforia.
Kunda (tukukunda) = saudar, louvar, preferido ao verbo, simana = admirar,
Samba (tukusamba) = orar, bendizer preferido ao verbo tonda = agradecer.
Buongemena ou bongemena (tukubuongemena) adorar, preferido ao verbo kukunda = saudar.
Bufumu = realeza; Tshifumu = reinado.

Luzingu lu ntuala = Vida futura (vida eterna), reforçado pela expressão luala kakalilila = (sem fim).
Mafundu = oferendas.
Vinya = vinho, preferido ao termo malavu = qualquer bebida alcoólica.
Ndunzi ou nthalu (menos corrente) = presença estoutro, diversificado por «nthalusu», também = presença-visão.
Malembe = suavidade, (Cf. Glória); nsika = segurança, (Cf. Nsambu nsika); ndembam, pouco corrente (neologismo?) = tranquilidade, (de bembama); mpolo = paz-negócio.

Nganga Nzambi = sacerdote, preferido, liturgicamente, ao termo Mpelo = padre.
Mun'ibila tshiami, minu veka kuami (Cf. Confissão) = por minha culpa, por mim mesmo, e portanto, por "minha máxima culpa", ao passo que, "mun ibíla tshiami, minu veka to" = por minha culpa, eu sozinho: Eis a razão por que, preferimos a primeira expressão.

Tuku e teku. tukukunda (ligado), ou simplesmente tikunda = louvamos-te; (a I.a favorece mais a linguagem "veicular" ; teku kunda (separado) = estamos a louvar-te.



Colecção "Mpalku Misa"

I - NSAMBU MISA

Em preparação:

1 - Tuimbilanu
2 - Mpolo Batismu

Tipografia da Missão de Landana


MENU - INDICE